DivertiALCER 2026 – ALCER Ourense
1. Entidade organizadora
A Asociación para a Loita Contra as Enfermidades do Ril de Ourense (ALCER Ourense) organiza un sorteo de agasallos no marco da festa DivertiALCER 2026, que se celebrará o sábado 21 de novembro de 2026, no Pazo dos Deportes Paco Paz, en Ourense.
2. Participación no sorteo
A cada entrada adquirida para DivertiALCER entregaráselle un número para participar no sorteo de agasallos.
A participación implica a aceptación destas bases.
3. Celebración do sorteo
O sorteo realizarase durante a celebración da festa DivertiALCER, o sábado 21 de novembro de 2026, ás 19h aproximadamente.
As persoas gañadoras que estean presentes no momento do sorteo recibirán o seu agasallo nese mesmo momento, sempre que sexa posible, mediante a presentación do número gañador.
4. Publicación dos números premiados
Os números premiados publicaranse nas canles oficiais de ALCER Ourense (redes sociais e web):
- Facebook: https://www.facebook.com/asociacion.alcer.ourense
- X: https://x.com/AlcerOurense
- Instagram: https://www.instagram.com/alcerourense/
- https://www.alcerourense.com/
Recoméndase conservar a entrada ou o número entregado para poder comprobar o resultado e reclamar o premio, se corresponde.
5. Reclamación dos agasallos
As persoas premiadas que non estean presentes no momento do sorteo poderán reclamar o seu agasallo durante os 10 días laborables seguintes á publicación dos resultados, ata as 14 horas do último día do prazo.
Para reclamar o premio, deberán contactar con ALCER Ourense a través do correo electrónico alcerourense@hotmail.com ou nos teléfonos 988 229 615 / 663 780 330 e acreditar que están en posesión do número premiado.
Unha vez verificada a correspondencia do número, ALCER Ourense indicará á persoa gañadora como e onde poderá recoller o agasallo. A recollida deberá acordarse coa entidade dentro dun prazo razoable.
6. Premios non reclamados
Os agasallos que non sexan reclamados dentro do prazo establecido consideraranse non reclamados.
7. Aceptación das bases
A participación no sorteo supón a aceptación das presentes bases. ALCER Ourense resolverá as cuestións organizativas que poidan xurdir durante o desenvolvemento do sorteo, respectando en todo momento as condicións aquí establecidas.
8. Información
Para calquera consulta relacionada co sorteo, as persoas participantes poderán contactar con ALCER Ourense a través das canles habituais da entidade.
ALCER Ourense agradece a colaboración das empresas e persoas que achegan os agasallos e fan posible esta iniciativa solidaria.
Grazas ás empresas e entidades colaboradoras por achegar os agasallos e facer posible este sorteo do DivertALCER:
